1998. Only Murders In The Building (2021)

Tim Kono എന്ന ചെറുപ്പക്കാരൻ Arconia യിൽ മരിച്ച നിലയിൽ കണ്ടെത്തി. തോക്ക് കൊണ്ടു സ്വയം വെടി വെച്ചു ആത്മഹത്യ ചെയ്തതാണോ, അതോ കൊലപാതകമാണോ ഇതെന്ന് കഴിഞ്ഞ 10 ആഴ്ചകളായി കാത്തിരിക്കുന്ന സീരീസിന് ഇന്ന് ഫിനാലെ എപ്പിസോഡ് പുറത്തായി. ആരാണ് കൊലപാതകി? എങ്ങനെയാണ് കൊലപാതകിയെ കണ്ടെത്തിയത്?

Series – Only Murders In The Building (2021)
Epiaodes – 10 (30-35 Mins)
Genre – Comedy, Investigation
Language – English
Platform – Disney+ Hotstar

Hulu Original ആയ ഈ സീരീസ് Disney+ Hotstar ഇൽ എല്ലാ ആഴ്ചയിലും ഓരോ എപ്പിസോഡ് എന്ന നിലയിൽ ആയിരുന്നു സ്ട്രീമിംഗ്. ആരാണ് കൊലപാതകി എന്നൊരു curiosity സോഷ്യൽ മീഡിയയിൽ പല പോസ്റ്റുകളിൽ ആയി കാണാം. Mare of Easttown പോലെ ഫാൻസ്‌ പ്രെഡിക്ഷൻ ഒക്കെ നടത്തിയിരുന്നു. എന്നാൽ, ഒരു വലിയ, ഞെട്ടിക്കുന്ന സസ്പെൻസ് ഒന്നും ഇല്ലാതെ, സാധാരണ പോലെയാണ് സീരീസ് ഫിനാലെ അവസാനിച്ചത്. നമ്മുടെ മുന്നിലേക്ക് ഇട്ടു തരുന്ന ആളെ നമ്മൾ സംശയിക്കാതെ വേറെ ആരോ എന്ന് ചിന്തിക്കുമ്പോൾ മുന്നിലിട്ട് തന്നെ ആൾ തന്നെ കില്ലർ ആയി ഓവർ ആയി ചിന്തിച്ചു കൂട്ടിയവരെ നൈസ് ആയി കബളിപ്പിക്കുന്നു.

Martin Short ആണ് ഇഷ്ട കഥാപാത്രം. പുള്ളിക്കാരന്റെ Dip നോടുള്ള ഇഷ്ടം കണ്ടു ഇപ്പോൾ തന്നെ Licious വഴി 5 Spread വാങ്ങി വെച്ചു. ചില നേരത്തെ കോമഡി ടൈമിംഗ് ഒക്കെ അന്യായം ആണ്. മുഖഭാവത്തിന് കൊടുക്കണം ഫുൾ മാർക്. Steve Martin ന്റെ കഥാപാത്രം ഫിനാലെയിൽ ഒരു കിടു സീൻ ഉണ്ട്. ചിരിച്ചു ഒരു വഴിയായി…Selena എപ്പോഴും കൺഫ്യൂസ്ഡ് ആയി, ഭൂരിഭാഗം സമയവും ഒരേ മുഖഭാവം ആണ്. ക്യാരക്ടർ ആർക് വളരെ നന്നായിരുന്നു. ഇനിയുള്ള സീസണിൽ അതിന്റെ തുടർച്ച കാണുമായിരിക്കും.

ഒരു മർഡർ മിസ്റ്ററി എന്ന നിലയിൽ സീരിയസ് ആയി കഥ മുന്നോട്ടു കൊണ്ടുപോകാതെ ധാരാളം കോമഡി സീനുകൾ ഒക്കെ കൂട്ടി ചേർത്തുള്ള, അതും ഫോഴ്സ്ഡ് അല്ലാതെ, ഓർഗാനിക് ആയുള്ള കോമഡി സീനുകളാൽ നല്ലപോലെ എന്റർടൈൻ ചെയ്ത ഒരു സീരീസ്. ചില കഥാപാത്രങ്ങൾ ഒക്കെ അടിപൊളി ആയിരുന്നു. ഓരോ എപ്പിസോഡും ചെറിയ ചെറിയ മിസ്റ്ററി നിലനിർത്തിയാണ് അവസാനിക്കുന്നത്. ചില സമയം കേസ് അന്വേഷിക്കുന്നവരിൽ തന്നെ കൊലപാതകി ഉണ്ടോ എന്ന് സംശയിപ്പിക്കും.

ഇന്ന് റിലീസ് ആയ ഫിനാലെയിൽ കൊലപാതകിയെ കണ്ടെത്തുന്നു എങ്കിലും കഥയുടെ ഫ്ലോ വെച്ചു അടുത്ത സീസണിൽ ഇതല്ല യഥാർത്ഥ കൊലപാതകി എന്ന് പറയാനാകും. കാരണം, ചില കാര്യങ്ങൾ വിട്ട് പോയി എന്നാണ് പറഞ്ഞു അവസാനിക്കുന്നത്. ആൻഡ്, Of course, അടുത്ത സീസനിലേക്ക് വേണ്ട ഒരു Cliffhanger നൽകിയാണ് അവസാനിച്ചത്. കാരണം, ഇനി മുതൽ Only Murderers In The Building ആണല്ലോ..