1665. Varma (2020)

തമിഴ് സിനിമാ ചരിത്രത്തിൽ തന്നെ ആദ്യമായിട്ടാകും ഒരു സിനിമയുടെ ഫൈനൽ പ്രിന്റ് കണ്ടിട്ട് അതിന്റെ നിർമാതാക്കൾ തൃപ്തരല്ലാതെ ആ സിനിമ തന്നെ റിലീസ് ചെയ്യുന്നില്ല എന്ന് തീരുമാനിച്ചു അതിലെ നായകനെ വെച്ചു അതേ കഥ തന്നെ വീണ്ടും സിനിമ ആക്കിയത്. ബാലയുടെ വേർഷൻ ആയ വർമ എന്ന സിനിമ ഇന്ന് ഇന്ത്യയുടെ പുറത്ത് Simply South വഴി റിലീസ് ആയി. എല്ലാം കിട്ടുന്ന മാർക്കറ്റ് ആയ ടെലെഗ്രാമിൽ നിന്നും ഏറ്റവും സൈസ് കൂടിയ പ്രിന്റ് തന്നെ ഡൗൺലോഡ് ചെയ്തു കണ്ടു.

Film – Varma (2020)
Genre – Romance
Language – Tamil
Platform – Simply South

സ്റ്റൈൽ എന്നൊരു സംഭവം ഉണ്ട്. അത് സ്‌ക്രീനിൽ എത്തിക്കാൻ എല്ലാവർക്കും കഴിയില്ല. പ്രേത്യേകിച്ചു ബാലയ്ക്ക്. അതിനുള്ള കാരണം ആണ് ഈ സിനിമ. അർജുൻ റെഡ്ഢി എന്ന ഒരു ഊളയെ ആരേലും ഇഷ്ടപ്പെടുന്നു എങ്കിൽ അത് സ്‌ക്രീനിൽ ആ കഥാപാത്രം ഉണ്ടാക്കിയ സ്റ്റൈൽ, സ്വാഗ് എന്നിവ മൂലം ആയിരുന്നു. മറ്റുള്ളവർക്ക് ആരാധന തോന്നുന്ന സ്വാഗ് ഒക്കെ സ്‌ക്രീനിൽ എത്തിക്കുക എന്നത് നിസാര കാര്യമല്ല. അതിൽ ആണ് ലെജൻഡ് ആയ ബാല എന്ന സംവിധായകൻ പരാജയപ്പെട്ടത്.

വർമ എന്ന ക്യാഷ്‌ ഉള്ള വീട്ടിലെ, സ്റ്റൈലിഷ് ആയ, arrogant ആയ ഒരു നായകനെ ബാല അവതരിപ്പിച്ചിരുക്കുന്നത് വളരെ കെയർലെസ് ആയിട്ടാണ് എന്ന് ധ്രുവ്ന്റെ മേക്കപ്പ് മുതൽ costume design വരെ തെളിയിക്കുന്നു. Medical Negligence ഒക്കെ കാണിക്കാൻ ബാല തിരഞ്ഞെടുത്തത് പ്രസവവും, Redemption ന് വേണ്ടി ഊര് ചുറ്റലും ആയിരുന്നു. അതാണ്‌ സെമ്മ കോമഡി ആയത്.

Arjun Reddy യുടെ ഹൈലൈറ്റ് ഇൻട്രോ സീൻ, കോളേജ് ഇൻട്രോ, കോളേജ് ഫൈറ്റ്, നായികയുടെ ഇൻട്രോ, തുടങ്ങി ഇടവേളയ്ക്ക് മുമ്പുള്ള സിംഗിൾ ടേക്ക് ഷോട്ടും ക്ലൈമാക്‌സും ഒക്കെയാണ്. ഈ പറഞ്ഞവ എല്ലാം ബാലയുടെ വേർഷനിൽ നല്ല മോശം ആയിരുന്നു. സഹതാരങ്ങൾ എല്ലാം മത്സരിച്ചു വെറുപ്പിക്കൽ ആണ്.

സമൂഹത്തിലെ അധികം ആളുകളാൽ പരിഗണിക്കപ്പെടാത്ത ആളുകളെ/വിഭാഗങ്ങളെ ബാല തന്റെ സിനിമയിൽ കേന്ദ്ര കഥാപാത്രങ്ങൾ ആക്കാറുണ്ട്. അതിനായി ഈ സിനിമയിൽ വേലക്കാരിക്ക് നൽകിയ റോൾ നല്ല മോശം ആയിട്ടുണ്ട്. നായകന്റെ കൂടെ ക്ലൈമാക്സിനു മുൻപ് കാണിച്ച ഒറ്റക്കണ്ണുള്ള ഒരു കഥാപാത്രവും അയാളുടെ ദാരിദ്രവും സ്‌ക്രീനിൽ കാണിച്ചപ്പോൾ ആകണം ബാലയ്ക്ക് ഓർഗാസം വന്നത്. സത്യത്തിൽ ഈയൊരു സിനിമ കണ്ടിട്ട് E4 Entertainment എന്ന നിർമാതാക്കൾ ഇത് റിലീസ് പോലും ചെയ്യണ്ട എന്ന് തീരുമാനിച്ചതിൽ അത്ഭുതമില്ല.

ആദിത്യ വർമയും ഈ സിനിമയും കണ്ട ആൾ എന്ന നിലയിൽ ധ്രുവ് ന്റെ മികച്ച പ്രകടനം ആദിത്യ വർമയിൽ ആണ്. ഇതിൽ Confused ആയ ഭാവം ഉള്ള ധ്രുവ് നെ ആണ് കാണുന്നത്. കൂടാതെ സീറോ ബജറ്റിൽ പിടിച്ച അർജുൻ റെഡ്ഢി എന്ന് വേണേൽ ഈ സിനിമയെ വിളിക്കാം. ബാലയെ വീണ്ടും പട്ടിണിയും ദാരിദ്രവും കുളിക്കാത്ത പോലെ മേക്കപ്പ് ഇടേണ്ടി വരുന്ന നായകന്മാരുടെ സബ്ജക്ടിൽ സംവിധായകൻ ആക്കുക. സ്വന്തം പ്രൊഡക്ഷനിൽ ആണേൽ അത്രയും നല്ലത്.