893. Ranam : Detroit Crossing (2018)

ബ്ലാക്ക് റെവല്യൂഷന് ശേഷമുള്ള ഡെട്രോയിറ്റിന്റെ അവസ്ഥ പരിതാപകരം ആയിരുന്നു. ക്രൈം എന്ന എന്നും വിലയുള്ള കച്ചവടം പെരുകുന്ന ഡെട്രോയിറ്റിന്റെ കഥയിലേക്ക് നമ്മെ ക്ഷണിക്കുകയാണ് നിർമൽ സഹദേവ്. ഇതൊരു ഡയറക്ടേഴ്സ് മൂവിയാണ്. ഓരോ ഫ്രെയിമും ആസ്വദിച്ചു ആസ്വദിച്ചു ചെയ്ത ഒരു സംവിധായകനെ സിനിമയിൽ കാണാം.

🔰🔰🔰Whats Good??🔰🔰🔰

A story of emotion..yea…രണം ഒരു ആക്ഷൻ സിനിമയല്ല.. ഓരോ കഥാപാത്രങ്ങളുടെയും ബന്ധങ്ങൾ കോംപ്ലെക്സ് ആണ്. അത് നമ്മൾ പ്രേക്ഷകരിലേക്ക് എത്തിച്ച വിധം നന്നായിരുന്നു.. Especially.. Voice Overs…

🔰🔰🔰Whats Bad??🔰🔰🔰

ചില ബന്ധങ്ങൾ വളരെ കോംപ്ലെക്സ് ആണ്. പ്രേത്യേകിച്ചു ആദിയുടെയും സീമയുടെയും. ക്യാരക്ടർ എക്‌സ്‌പോസിഷന് വേണ്ടിയെടുക്കുന്ന സമയം ലാഗിംഗ് ആയി തോന്നുന്നവരുണ്ട്. തീയേറ്ററിൽ തെളിയുന്ന മൊബൈൽ സ്ക്രീനിലെ വെളിച്ചവും അത് തെളിയിക്കുന്നുണ്ട്. കൃത്യമായ പേസിങ്ങിലാണ് കഥ നീങ്ങുന്നത്. അതിനാൽ ലാഗ് എന്ന ഒരു കാര്യം എനിക്ക് ഫീൽ ചെയ്തില്ല. നിങ്ങളിലേ ആസ്വാദകന് സിനിമയുടെ മൂഡിലേക്ക് എത്താൻ കഴിയുന്നോ ഇല്ലയോ എന്നതിനെ ആശ്രയിച്ചിരിക്കും സിനിമയുടെ പേസിങ്.

🔰🔰🔰Watch Or Not??🔰🔰🔰

പ്രളയശേഷം ആദ്യമായി റിലീസ് ചെയ്ത സിനിമ ആയതിനാൽ We Will Overcome എന്നെഴുതി ആയിരുന്നു തുടക്കം. അതൊരു വല്ലാത്ത പോസിറ്റീവ് ഫീൽ നൽകി. നന്ദി എഴുതിക്കാണിക്കുമ്പോൾ വരെ നല്ല കിടിലൻ പശ്ചാത്തല സംഗീതം ഉണ്ടായിരുന്നു. സിനിമയുടെ ആദ്യത്തെ ഫ്രെയിമിൽ തന്നെ ഇതൊരു ഇമോഷണൽ ഡ്രാമ ആണെന്ന് പറയുന്നുണ്ട്.

Detroit ന്റെ ചരിത്രം പറഞ്ഞു തുടങ്ങുന്നു. വല്ലാത്തൊരു ത്രിൽ മൂഡ് ക്രിയേറ്റ് ചെയ്യാൻ ആ സീനുകൾക്ക് കഴിയുന്നുണ്ട്. പിന്നീട് നായകൻ അടക്കമുള്ള പല കഥാപാത്രങ്ങളെയും പരിചയപ്പെടുത്തുന്നു. ആദി എന്ന നായകകഥാപാത്രം ഒരിക്കൽ പോലും ചിരിക്കുന്നതായി കാണുന്നില്ല. തന്റെ ബാല്യത്തിൽ ഉണ്ടായ ദുരന്തങ്ങൾ സ്വപ്നങ്ങളായി വന്നു ആദിയെ എന്നും ഉണർത്തിയിരുന്നു. ഒരുപാട് നിഗൂഢതകൾ നിറഞ്ഞ ഒരാളാണ് ആദി. പ്രിത്വിരാജിന് വലിയ വെല്ലുവിളി ഒന്നുമല്ല ഈ കഥാപാത്രം. മുഖത്ത് വരുത്തിയ ഒരു പാട് വരെ ഈ കഥാപാത്രത്തിനായി ചെയ്തതാകാം. വയലൻസ് ജീവിതത്തിന്റെ ഭാഗമായ ആദിയുടെ മുഖത്ത് അങ്ങനെ ഒരു പാട് ഉള്ളതിൽ അത്ഭുതപ്പെടാനില്ല.

ഭാസ്കരേട്ടൻ എന്ന് വിളിക്കുന്ന നന്ദുവുമായുള്ള അടുപ്പം എന്താണ് എന്ന് രണ്ടാം പകുതിയിൽ പറയുന്ന സീനുകൾ നന്നായിരുന്നു. ഡയലോഗുകൾ വല്ലാത്തൊരു മൂഡ് ക്രിയേറ്റ് ചെയ്യുന്നുണ്ട്. ഇഷാ തൽവാറിനേക്കാൾ പ്രിത്വി-നന്ദു കെമിസ്ട്രി കൂടുതൽ നന്നായിരുന്നു.

റഹ്മാൻ അവതരിപ്പിച്ച ദാമോദർ എന്ന അമ്പിഷ്യസ് ആയിട്ടുള്ള ഒരു ഗ്യാങ്‌സ്റ്റർ കൊറിയൻ സിനിമകളിൽ വരുന്ന പോലുള്ള ഒരു റിയലിസ്റ്റിക് കഥാപാത്രം ആയിരുന്നു. കാച്ചിക്കുറുക്കിയ ഡയലോഗുകൾ ആണ് അദ്ദേഹത്തിന്. തന്റെ കരിസ്മ ഇത്ര നന്നായി അവതരിപ്പിക്കാൻ പറ്റിയ കഥാപാത്രം വേറെയില്ല എന്ന് തന്നെ പറയാം.

ഇഷയുടെ സീമയുമായുള്ള ആദിയുടെ ബന്ധം അവതരിപ്പിച്ച വിധം, പാട്ടുകൾ.. അതിലെ വരികൾ.. ഇരുവരും തമ്മിലുള്ള സംഭാഷണങ്ങൾ എന്നിങ്ങനെ സിനിമയിൽ ഡയരക്ടർ ടച്ച്‌ എന്ന് പറഞ്ഞു കയ്യടി വാങ്ങാൻ പറ്റിയ ഒരുപാട് സംഗതികൾ ഉണ്ട്. ദീപിക എന്ന കഥാപാത്രത്തെ അവതരിപ്പിച്ച നടിയും, പ്രിത്വിയുടെ അനിയനായി അഭിനയിച്ച നടനും ഒരു പ്രേത്യേക മെൻഷൻ.

കുറ്റകൃത്യങ്ങളുടെ ലോകത്തേക്ക് വീണു അവിടെ നിന്നും കരകയറാൻ ശ്രമിക്കുന്ന നായകൻറെ കഥയും അയാളുടെ മാനസിക പിരിമുറുക്കങ്ങളും നമ്മൾ ഇതിനു മുന്പും കണ്ടിട്ടുണ്ട്. എന്നാൽ ക്ലിഷേ ആയുള്ള ഒരു സീൻ പോലും രണം നമുക്ക് നൽകുന്നില്ല. ഭർത്താവിന്റെ കയ്യിൽ നിന്നും തല്ലു കിട്ടുമ്പോൾ “നിങ്ങളെന്നെ തല്ലി അല്ലെ?” എന്ന് പറയുന്ന സ്ഥിരം ഡയലോഗ് ക്ലിഷേകൾ ഒന്നും ഇവിടേയ്ക്ക് അടുക്കുന്നില്ല
.പക്ഷെ ക്ലൈമാക്സിനോട് അടുക്കുമ്പോൾ വരുന്ന സീനുകൾ പലതും ഒരുപാട് ഇംഗ്ലീഷ് പടങ്ങളെ ഓർമപ്പെടുത്തും.

🔰🔰🔰Last Word🔰🔰🔰

ആക്ഷനെക്കാൾ കൂടുതൽ സംഭാഷണങ്ങൾക്കും ഡ്രാമയ്ക്കും പ്രാധാന്യം നൽകിയതിനാൽ രണം എന്ന ആക്ഷൻ സിനിമ പ്രതീക്ഷിച്ചു എത്തുന്നവർക്ക് പതുക്കെ കഥ പറയുന്ന ഒരു സിനിമയാകും ലഭിക്കുക. പക്ഷെ ടെക്നിക്കലി സൗണ്ട് ആയ നല്ല പ്രൊഡക്ഷൻ വാല്യൂ ഉള്ള ഒരു നല്ല സംവിധായകന്റെ ചിത്രം നിങ്ങൾക്ക് ലഭിക്കും. For Me… Ranam was a decent one…