398. The Dark Side Of The Moon (2015)

“ഏറ്റെടുത്ത ജോലികൾ എല്ലാം തന്നെ വളരെ കൃത്യമായി ചെയ്തു ജീവിതത്തിൽ വൻവിജയം നേടിയ ഒരാൾ എന്നായിരുന്നു എന്നെ പറ്റി എല്ലാവരും പറഞ്ഞിരുന്നത്. വക്കീലന്മാർക്കിയടയിൽ ഞാൻ ബഹുമാന്യനും ആയിരുന്നു. ഞാൻ സമ്പാദിച്ച നല്ല പേരെല്ലാം ഒറ്റ നിമിഷം കൊണ്ട് ഇല്ലാതാകും എന്നു ഞാൻ സ്വപ്നത്തിൽ പോലും കരുതിയില്ല. ലഹരിയായി ഞാൻ ഉപയോഗിച്ച ആ പ്രേത്യേകതരം കൂൺ എന്റെ സ്വഭാവം തന്നെ മാറ്റിയിരിക്കുന്നു. ഒരു ജീവൻ തന്നെ എന്നാൽ നഷ്ടമായിരിക്കുന്നു.ആ കൂൺ ഏതാണെന്നു കണ്ടെത്തണം, ഈ അവസ്ഥയിൽ നിന്നും എനിക്ക് മോചനം വേണം.”

Movie – The Dark Side Of The Moon (2015) 

Genre – Drama,  Thriller 

Original Language – German 

വളരെ സ്ലോ ആയുള്ള കഥപറച്ചിലാണ് ഈ ചിത്രത്തിന്റേത്. ത്രില്ലർ എന്ന് കണ്ടപ്പോൾ കാണാം എന്ന് കരുതി തിരഞ്ഞടുത്ത ഒരു ചിത്രം. എന്നാൽ സാധാരണ ത്രില്ലറുകൾ പോലെ നമ്മെ പിടിച്ചിരുത്തുന്ന ഒന്നും തന്നെ ഇതിലുള്ളതായി കണ്ടില്ല.  

അഭിനയം എന്ന വിഭാഗം വളരെ മികച്ചു നില്ക്കുന്നു. ഒരൊറ്റ ആൾ പോലും മോശം അഭിനയം കാഴ്ച വെച്ചിട്ടില്ല. ഒരുപാട് സിമ്പോളിസം പറയുന്ന ഒരു ചിത്രമാണെന്ന് ക്ലൈമാക്സിനോട് അടുക്കുമ്പോൾ മനസ്സിലാകും. ഒരു കൂൺ ലഹരി വസ്തുവായി ഉപയോഗിച്ച ഒരാളുടെ മനംമാറ്റവും മറ്റുമായി കഥ മുന്നോട്ടു പോകുമ്പോൾ നമ്മൾ വിട്ടുകളയുന്ന ചെറിയ ചെറിയ കാര്യങ്ങൾക്കു വരെ അവസാനം വലിയ അർത്ഥം ഉണ്ടെന്ന് കാണിക്കുന്നു. 

സ്ലോ ആയി കഥ പറയുന്ന, നല്ല അഭിനയ മുഹൂർത്തങ്ങൾ നിറഞ്ഞ ത്രില്ലർ എന്ന് പൂർണ്ണമായും പറയാൻ കഴിയില്ല എങ്കിലും ആ ഒരു സ്വഭാവത്തോട് ചേർന്നു നിൽക്കുന്ന ഒരു ചിത്രം. ക്ലൈമാക്സ്‌ ഒരുപാട് സംശയങ്ങൾ സമ്മാനിച്ചേക്കാം.. അതിനാൽ തന്നെ ഒന്നിൽ കൂടുതൽ തവണ കാണേണ്ടതായി വന്നേക്കാം.. (ക്ലൈമാക്സ്‌ മാത്രമായി ).  

മൊത്തത്തിൽ ഒരു വ്യത്യസ്ത സിനിമാ അനുഭവം. ജർമൻ സിനിമാ പ്രേമികൾക്ക് ധൈര്യമായി കാണാം. 
Click To Get Movie