1396. Fantasy Island (2020)

2019 ലെ വാലെന്റിൻ ദിനത്തിൽ ഒരു അടാർ ലവ്, ദേവ് എന്നീ സിനിമകൾ കണ്ടു എന്നെ തന്നെ വെറുത്തു പോയ ഞാൻ 2020 ആയപ്പോൾ ലവ് സ്റ്റോറികളായ World Famous Lover, Love Aaj Kal എന്നിവ മനഃപൂർവം ഒഴിവാക്കി Fantasy Island എന്ന ത്രില്ലർ ഹൊറർ ഫിലിമിന് പോകാം എന്ന് തീരുമാനിച്ചു. എന്നാൽ.. വരാനുള്ളത് വഴിയിൽ തങ്ങില്ല എന്ന കാര്യം ആണ് സിനിമ കണ്ടപ്പോൾ ഓർമ വന്നത്. എന്തായാലും ഈ 3 സിനിമകൾ (World Famous Lover, Love Aaj Kal, Fantasy Island) കണ്ടശേഷം റിവ്യൂ എഴുതാൻ പോലും മനസ്സ് അനുവദിക്കുന്നില്ലായിരുന്നു. ഇതിപ്പോൾ സമയം കളയാനായുള്ള ഒരു write up ആയി കണ്ടാൽ മതി.

നമുടെ മനസ്സിൽ എന്ത് ഫാന്റസി ആണോ, അത് നടക്കുന്ന ഒരു ദ്വീപിലേക്ക് എത്തുകയാണ് നാലംഗ സംഘം. തങ്ങളുടെ ഫാന്റസി നടക്കുന്നത് ഒരു അത്ഭുതം പോലെ ആസ്വദിക്കുന്ന അവർ അതിനു പിന്നിൽ ഉള്ള അപകടം അറിയുന്നില്ല. ഒരു ഘട്ടത്തിൽ 4 പേരുടെ ഫാന്റസിയിലും അവർ തന്നെ ഇൻവോൾവ് ആവുകയും ഒരാളുടെ ഫാന്റസിയിൽ എങ്ങനെ മറ്റേ ആൾ എത്തി എന്നതും അവരിൽ ചോദ്യമുയരുന്നു. കഥ പിന്നെ അനാവരണം ചെയ്യുന്നത് ഒരു സസ്പെൻസ് ആണ്.

സസ്പെൻസ് വന്നപ്പോൾ WTF എന്ന് നമ്മൾ പറഞ്ഞു പോകും. അത് സസ്പെൻസ് നന്നായത് കൊണ്ടല്ല, മറിച്ചു ഇമ്മാതിരി തൊലിഞ്ഞ, ലോജിക് ഇല്ലാത്ത, ആളെ വടിയാക്കുന്ന സസ്പെൻസ് തന്നു നമ്മെ പറ്റിച്ചല്ലോ എന്നോർത്ത് ആകും. ഈയൊരു സസ്പെൻസ് ആണ് കഥ മുന്നോട്ട് വെക്കുന്നത് എങ്കിൽ, സിനിമയുടെ ആദ്യത്തെ 1 മണിക്കൂർ മൊത്തത്തിൽ അങ്ങ് മറക്കേണ്ടി വരും. അതുകൊണ്ട് തന്നെ നല്ല തൊലിഞ്ഞ പടം ആയി തോന്നി ഇത്.

Skip From Both Cinemas and OTT